ماجد الكدواني يكشف سر صداقته القوية بكريم عبد العزيز
منذ سنة
احمد عبدالعليم
كشف الفنان المصري ماجد الكدواني سر الصداقة القوية بينه وبين النجم كريم عبد العزيز.
ماجد الكدواني قال: "أنا برج القوس، ومن صفاته إنه مطلوق على اسم القوس، وجواه طفل ومش بيحب حد يحجمه، وكريم برج الأسد، قيادي ويستمتع باحتواء الآخر، وإنه ينسى مشاكله ويحل مشكلة الآخر، ومتعته في تحمل المسؤوليات، ومن هنا في كيميا عجيبة بيني وبين كريم من يوم ما إتقابلنا".
وأضاف: "كريم دايما يقوللي إحنا مش أصحاب ولا إخوات إحنا مصروفين لبعض، ومن يوم ما إتقابلنا حاسس إني مرمي في حضن حد حنين ومحتوي وأمين عليك، بيحبك ويخاف عليك بجد".
أما عن أول تعاون له مع كريم عبد العزيز، في فيلم "حرامية في كي جي تو" قال: "كنت مرعوب من الكوميدي والإفيهات المباشرة، ولقيت كريم بيقوللي أنا حاسس بيك وأنا زيك بخاف من المباشرة، واتفقنا نستخبى في الشخصية، وإما إننا نضحك أو على الأقل الناس تصدقنا، وهذا الخط بقى منهجنا في الحياة".
