ماجد الكدواني يكشف تفاصيل ارتباطه بزوجته
منذ سنة
احمد عبدالعليم
كشف الفنان ماجد الكدواني كواليس تعارفه بزوجته أثناء فترة دراستهما في كلية الفنون الجميلة.
ماجد الكدواني قال: "أنا عبيط أوي ومدهول وأنا بحب، وهي ست عاقلة ووقورة من صغرها وبرج الميزان، في سنة ثالثة روحت أقول لها أنا معجب بيكي لو تسمحي إن إحنا نتقرب، فقالت أنا مش بفكر في الموضوع دلوقتي، لكن عندي طلب واحد".
وأضاف: "طلبت مني كل يوم الصبح لما أشوفها أصبح عليها، وبقيت كل يوم أصبح عليها 10 مرات، علشان أثبت إن مفيش عداوة وأنفذ الوصية، وفي سنة رابعة قربنا من بعض، وكان المفروض تهاجر أمريكا مع والدتها ووالدها، وأنا كان المفروض أهاجر أمريكا ومش عايز".
وأوضح أن أهل زوجته تفهموا رغبته في البقاء في مصر، قائلا: "روحت إتقدمت لها، وأهلها استوعبوا إن عندي مستقبل هنا وبحب أعيش في بلدي، وعشت في بيتها 14 سنة لغاية ما إتخرجت من فنون مسرحية".
وعما إذا كان ارتباطه بزوجته قد غيره، قال: "أنا إنسان مطلوق وهلهلي، وهي حكيمة ورزينة وعاقلة، اصطدمنا ببعض شوية لغاية ما الأيام أثبتت إن ربنا كتبلي إنسانة مفيدة جدا علشاني".
