لماذا رفض محمود ياسين العمل مع عادل إمام؟.. الفنانة شهيرة ترد

كشفت الفنانة المصرية شهيرة عن السبب وراء رفض زوجها الراحل النجم محمود ياسين، العمل مؤخرًا مع النجم الكبير عادل إمام في إحدى مسلسلاته.

وقالت شهيرة، خلال لقائها مع الإعلامي عمرو الليثي في برنامجه "واحد من الناس"، المذاع عبر فضائية "الحياة":"مكنتش اسباب الاعتذار مرضية، عمرو كان معاه وقالو يا بابا أنا شايف أن العمل ده هيبقى مرهق عليك، لأن هو وعادل وصلوا لمرحلة عمرية لازم تبقى معاهم حتة حتة وشوت شوت، معرفش يمكن محمود حس أنه مش هيقدر يكمل".

وأضافت شهيرة:"رامي كان نفسه محمود يكمل، وكان دايما يقول ان نفسي كان يبقى في رصيدي أني أخرجت لمحمود ياسين"

على جانب آخر كشفت الفنانة شهيرة، أنها تعرضت للسحر من قبل بعض الأشخاص، واستمر لمدة عامين.

وقالت شهيرة:"كنت لما أجي احط ميكب أحس بشكشكة في وجهي، وسافرت باريس على أساس أني عندي حساسية وروحت المستشفى الفرنساوي هناك وعملت تحاليل وقالولي معندكيش حاجة".

وأضافت:"قاعدت سنتين محطش ميكب ومكنتش بشتغل، وتخلصت منه عن طريق قراءة القرآن وقعد الموضوع ده سنتين".

وتابعت شهيرة حديثها قائلة:"حد تطوع وقالي فلانة عملتلك سحر لأنها متخصصة فيه، بس الله وأعلم، وأنا وقتها معرفش مين ومش متأكدة أنه حصل فعلا ولا لأ.. بس الناس قالولي أن ده سحر".