بعد إصابة زوجها بالفيروس.. داليا البحيري تكشف نتيجة مسحة "كورونا" لها

أكدت الفنانة المصرية داليا البحيري، إن نتيجة المسحة التي أجرتها بعد إصابة زوجها بفيروس كورونا جاءت سلبية، هي وكل أسرتها وأيضًا العاملين بالمنزل.

وكتبت داليا، عبر صفحتها الششخصي بموقع التواصل الاجتماعي "فيسبوك":" أحب اطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت".

وأضافت:"شكرا يارب علي كرمك، احب اطمنكوا كمان ان حسن الحمد لله كويس وبيشكركم كلكم علي الرسايل والتليفونات بجد حبكم لينا ومساندتكم لينا عندنا بالدنيا وأحلي نعمة من ربنا".

وتابعت "آسفة اني ساعات مش بلحق ارد علي كل مكالماتكم او بضطر اقفل في نص المكالمة عشان دكتور بيتصل علي الناحية التانية أو معمل أو صيدلية، بجد بشكركم علي جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا...انتم جميعا فوق الراس وجوه القلب، ربنا يحفظكم جميعا من كل شر ويحفظ عائلتكم وحبايبكم".

وكانت قد أعلنت داليا عن إصابة زوجها رجل الأعمال حسن سامي، بفيروس كورونا، وكتبت:"أنا حبدأ بألف حمد وشكر ليك يارب، لأن أنا عارفة ومتأكدة إن احنا عملنا اللي علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب".