داليا البحيري تعلن إصابة زوجها بفيروس "كورونا".. والفنانة تنتظر نتيجة مسحتها

أعلنت الفنانة المصرية داليا البحيري، إصابة زوجها رجل الأعمال، حسن سامي بفيروس كورونا "كوفيد19".

وكتبت داليا عبر صفحتها الشخصية بموقع التواصل الاجتماعي "فيسبوك":"أنا حبدأ بألف حمد وشكر ليك يارب، لأن أنا عارفة ومتأكدة إن احنا عملنا اللي علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق واتفسَّح، وأنا والحمد لله راضية جدا بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب".

وأضافت:"إحنا كلنا عملنا مسحات تحليل كورونا، أنا والأولاد، واللي بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب".

واختتمت:"أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".

الجدير ذكره أن أخر أعمال داليا البحيري مسلسل "فلانتينو"، بطولة النجم عادل إمام، والذي عرض في الموسم الرمضاني الماضي.