بالفيديو.. ريهام حجاج تكشف حقيقة شماتتها في طلاق ياسمين عبدالعزيز

كشفت الفنانة ريهام حجاج حقيقة الاستوري المنسوب لها، التي تصف طلاق ياسمين عبد العزيز وأحمد العوضي، بأسعد يوم في حياتها.

ريهام حجاج نشرت مقطع فيديو، على حسابها بموقع "انستجرام"، نفت فيه علاقتها بهذا الاستوري، ووصفت ما يحدث بالسخافة والوقيعة بين الناس.

حيث قالت: "أنا عاملة الفيديو ده علشان أرد وأنا مش متعودة الحقيقة أني أرد على أي إشاعات أو أي افتراءات، حصل قبل كده بقالي 6 سنين كلام أنا عمري ما قولته وبيتقال حاجات عمرها ما حصلت مني وأنا عمري ما رديت".

وأضافت: "بس النهاردة قررت أني أرد وسخافة أوي بصراحة وقلة احترام وقلة دين وقلة تربية أني أبقي قاعدة في البيت لا بيا ولا عليا وكان بقالي 7 ساعات مامسكتش الموبايل أصلا، وفجأة اكتشف أني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا بأخلاقي".

وعلقت على الفيديو قائلة: "عيب أحترموا نفسكم بقا و خللي عندكم دين و أخلاق بدل الأنحدار إللي باقينوا فيه دا…حاتتعظوا أمتة دا الناس في غزة بتموت و انتم فاضيين للشر و الأفتراء".