محمد رمضان منفعلا: قول لحكومتك طلع السلاح وروح حارب

بعد موجة من الانتقادات التي تعرض لها لتجاهله التعليق على القضية الفلسطينية، نشر الفنان محمد رمضان فيديو يوجه فيه رسالة شديدة اللهجة للدول العربية وحكامها.

محمد رمضان ظهر في الفيديو منفعلا، وقال: "السلام عليكم ورحمة الله وبركاته، ربنا يصبر أهالي الشهداء، ويرزقهم الاستقرار والنصر القريب إن شاء الله، كم الرسائل اللي بتجيلي وعايزني أنزل حاجة، وعايزين صوتنا يوصل، يوصل لمين؟ يعني عايزين صوتنا يوصل لمين برا بلادنا؟ صوتنا يوصل لبلادنا، بلادنا عندها جيوش وعندها أسلحة، وبنشتري أسلحة ودبابات وبنشتري طيارات، وبنسيبها لحد ما تصدي ونشتري غيرها، هنستخدمها إمتى أسلحتنا وجيشنا وجيوشنا؟".

وأضاف: "وصوتنا يوصل لمين برا؟ احنا عايزين مين برا يدافع عننا؟ قمة الجبن وقمة عدم الرجولة لما نقول ان احنا عايزين نكتب بالإنجليش عشان برا يعرفوا إن احنا بنتضرب".

وتابع: "وانت فين أنت؟ فين بلدك وفين جيشك؟ صوتك يوصل لحكومتك، قول لحكومتك طلع السلاح وروح حارب، إنجليش إيه؟ مين هيدافع عن عربي زيه زيك ما نقول كلام عاقل".