"منعا للهبد".. عمرو سمير عاطف يكشف حقيقة اقتباس فكرة مسلسل "النهاية"

كشف المؤلف والسيناريست المصري عمرو سمير عاطف، حقيقة اقتباس فكرة مسلسل النهاية، الذي يقوم ببطولته النجم يوسف الشريف.

ويشارك النجم المصري يوسف الشريف في السباق الرمضاني من خلال مسلسل "النهاية"، حيث يتواجد معه كوكبة من النجوم على رأسهم "عمرو عبد الجليل، وناهد السباعي".

وكتب عمرو سمير عاطف، عبر حسابه الشخصي على موقع التواصل الاجتماعي "فيسبوك":"نظرا لاقتراب عرض المسلسل ان شاء الله وانتشار التوقعات والتكهنات وبرضه الهبد الجميل فانا حابب اوضح مجموعة حقايق".

وأضاف:"اولا المسلسل ينتمى الى الخيال العلمى احداثه بتدور في المستقبل مش بعد 50 سنه زي ما بيتقال لاء اكتر من كده شويه".

وأكمل عاطف:"ثانيا المسلسل مش متاخد ولا مسروق ولا مقتبس من اى عمل مصري او اجنبي وده معناه ان مافيش شخصية ولا موقف ولا جملة ولا كلمة واحدة متاخده من اى عمل اخر سبق لاى حد انه شافه و كل المقارنات اللى بتتم حاليا بين العمل اللى لسه حتى ماحدش شاف التريلر بتاعه واعمال اجنبيه زي oblivion - gemini man هى محض هبد وافترا".

وأتم:"لو المسلسل نجح ان شاء الله فمن فضلك تأكد تماما وكن واثق كل الثقة ان ده صناعة مصرية ميه في الميه ولك ان تفخر بها وانت مطمن ويارب يعجبكوا".