حلا شيحة: عمري ما حرمت الفن لكن مش لازم الأحضان الكتيرة

نفت الفنانة المصرية حلا شيحة أن تكون صرحت في السابق بأن الفن حرام، وأكدت أن البعض نسب لها هذا التصريح وهو غير صحيح.

حلا شيحة قالت: "في تصريحات كثيرة اتقالت عن لساني، وأنا عمري ما قلت الكلام ده، الفن فيه حاجات كثيرة حلوة تقدري تقدميها بصورة جميلة وتوصل للناس مشاعر حلوة، والدين والقرب من ربنا، وإن يكون عندك صلة روحية بينك وبين ربنا حاجة حلوة، وعمري ما قلت الفن حرام، وزعلانة إن الناس قالت دي حرمت الفن ليه رجعت له".

وعن أسباب وصفها لاعتزالها بالتوبة، قالت: "أنا عندي التصريح ومكتبتش كده، في الوقت ده كنت بتكلم عن حاجة معينة تخص شيء معين، والناس عممتها على كل حاجة".

وعما إذا كان ترى أن الفن حرام، قالت: "لأ طبعا، ممكن أقول في حاجات لا يصح تكون موجودة، مش لازم الأحضان الكثيرة، أنا مؤمنة بده لكن مقدرش أحرم حاجة".