أول تعليق لشقيق شيرين عبدالوهاب بعد انفصالها عن حسام حبيب
منذ 11 شهر
احمد عبدالعليم
علق محمد عبد الوهاب شقيق الفنانة شيرين عبد الوهاب على خبر انفصالها من الفنان حسام حبيب.
وكتب محمد، على حسابه الشخصي بموقع "فيسبوك": "والله ولا كنت عايز أعلق على الموضوع أساساً ولا عايز أصلا يبقى ليا علاقة بأي حاجة، أنا بس المعلومة عندي من يومين وحبيت بس أكد و أفرح جمهورها والناس اللي بتحبها فقط".
وأضاف: "ومن كتر التليفونات والرسايل من السادة الصحفيين اللي حقيقي بجد مزعجين جدا وأنا مليش أي علاقة ولا قريب ولا عايز الحقيقة بحبها أوي روحي وعمري واختي الكبيرة وتاج راسي وخيرها عليا ولحم كتافي من خيرها وأمي التانية بعد أمي".
وتابع:"وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله وبتمنالها كل خير من كل قلبي وتاخد بالها من ولادها سندها في الدنيا ونور عنيها".
وأكمل:"بس كل ده ممكن يحصل، وانا بعيد في حياتي وهي في حياتها، وحياة أمي بحبها أوي، بس والله الطاقه اللي عندي يدوب على قد شوية الأمراض اللي جتلي والحمدلله على كده".
وكان قد كشف المحامي ياسر قنطوش، كواليس انفصال الفنانة شيرين عبد الوهاب، عن زوجها الفنان حسام حبيب، بعد ٥ سنوات من زواجهما.
وقال: "تم الطلاق بالفعل، يوم الخميس الماضي، في السابعة مساء، في جلسة عقدت بمنزل الفنانة شيرين عبد الوهاب، والجلسة تمت بالتوافق بينها وبين الفنان حسام حبيب، ووقع الانفصال في هدوء".
