بعد أيام قليلة من رحيل أختها.. رانيا فريد شوقي تطلب الدعاء لوالدتها

كشفت الفنانة رانيا فريد شوقي عن تعرض والدتها سهير الترك لوعكة صحية، وذلك بعد أيام قليلة من وفاة اختها المنتجة ناهد فريد شوقي.

رانيا فريد شوقي دعت لوالدتها بالشفاء العاجل، على حسابها بمقوع "الفيس بوك"، حيث قالت: "اللهم اشفِ أمي وأغرس في نبضاتها راحة، وفي جسدها عافية وهون عليها الألم والتعب وأبدله بعافية تسرى في جسدها، اللهم اشفِ كل مريض يا رب".

يذكر أن رانيا فريد فريد شوقي أخت المنتجة الراحلة ناهد فريد شوقي من الأب فقط، وقد نعتها مؤخرا بكلمات مؤثرة جدا.

حيث كتبت: ""للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة الي الأبد و ده من عيوب البشر أختي الحبيبة الغالية ناهد انا بعتذر لك لأني اعتدك في حياتي يمكن خيالي كان اضعف من إني اتصور فراقك يمكن خدتنا مشحانات الدنيا وربنا نور بصيرتنا و رجعنا لحضن بعض و الحب اللي اتربينا عليه و حبنا لبابا كان دايما بيجمعنا".

وأضافت: "يمكن لاني تنسيت اننا بنكبر كلنا يمكن لأني جيت الدنيا لقيتك اختي الكبيرة القوية العنيدة اللي ماتعرفش حاجة اسمها استسلام و ارادتها من حديد قوتك كانت بطمني عليكي انا مش عارفه انا بكتب ايه بس اللي حساه اكبر بكتير من أي كلام مازلت مش مستوعبه و لما حد بيقول الله يرحمها بتخض".

وتابعت: "في الفترة الأخيرة كنت بشوف فيكي بابا بكل حركاته و طريقة كلامه و نظراته و هزارك و قولت للاحفاد اللي ماشفوش جدهم ناهد بقت نسخه من جدكم لما تشفوها كأنكم شفتوه سبحان الله و الغريب اني من الشخصيات اللي بتخاف تدخل علي حد متوفي لانه بيبقي آخر انطباع بيفضل في الذاكره عن الشخص لكن لما دخلت و شوفت وشك مبتسمه كأنك نايمة و بتحلمي حلم جميل حسيت انك شوفتي فريد ابنك بيستقبلك و خدك لحبايبك بابا و طنط هدي و مها أختنا ده تفسيري لابتسامتك الهادية الجميلة الواضحة اوي اللي هونت علينا كلنا فراقك و اللي مش هتفارقني اللي باقي من عمري".

واختتمت كلامها: "كنتي راضية بكل اقدار الله و مسلمه أمرك لله إلي ان نلتقي يا اختي سلميلي علي بابا و قوليله الحياة من غيرك مش حياة و نفسي يجيلي في الحلم بقاله فترة غايب عني هتوحشيني اوي يا حته من ابويا و من قلبي".