علي الحجار يرفض التصالح مع مدحت صالح
منذ سنة
احمد عبدالعليم
رفض الفنان المصري علي الحجار التصالح مع الفنان مدحت صالح، الذي اتهمه بالاستحواذ على فكرة مشروعه "100 سنة غناء" وتقديمها باسمه تحت عنوان "الأساتذة".
علي الحجار قال: "الموضوع أكبر من إن اثنين إتخاصموا أو إتخانقوا في الشارع تعالوا نصالحهم، تخيل نفسك بتعمل رسالة دكتوارة تعبان فيها سنين، وبعدين واحد ثاني ياخد نفس الرسالة ويسمي نفسه الدكتور فلان".
وأضاف: "مدحت صالح طول عمره من أول ما احترف بيغني 5 أو 6 أغاني لنفسه في الحفلة والباقي لمطربين وملحنين آخرين، وما قدمه في حفلته مفيش فيه حاجة جديدة حصلت، هي نفس الحفلة التي يقدمها دائما، وهو يقول هطور وأوزع الأغاني القديمة توزيع معاصر لكن ولا حاجة حصلت، إنما الدعاية هيأت للناس إن في مشروع وراء الحفلة".
وتابع: "عايز مدحت صالح يطلع يقول كلمتين يبرئ نفسه من إنه أخذ مشروعي، وهو دائما يقول علي الحجار أستاذي فيكلم أستاذه بقى، إنما ياخد مشروعي وعايزني أكلمه، إيه الجبروت ده!، لا يمكن المساواة بيني وبين مدحت صالح، مفيش حد عنده 3000 أغنية وعمل 121 مسلسل وعنده التنوع اللي عندي، مينفعش نقول إنتو الإثنين".
وعما إذا كان أرضاه تبني وزيرة الثقافة الدكتورة نيفين الكيلاني لمشروعه، قال: "اللي حصل من الوزيرة إمبارح ريح قلبي جدا، وطمأنني إن المشروع هيتعمل صح".
