لوسي: مش خايفة أموت ببدلة الرقص

قالت الفنانة لوسي إنها لا تخشى الموت وهي مرتدية بدلة رقص، وأن هذه المهنة تفعلها في العلن وليس هناك ما تخفيه.

لوسي قالت: "مش بعمل بجاحة أنا بعمل حاجة الدنيا كلها شايفاها، مش تحت أو فوق السرير، بعمل حاجة في العلانية، زي ما الدكتور بيلبس البالطو بتاعه، والكناس في الشارع بيلبس لبسه".

الراقصة المصرية أضافت: "إحنا بنشتغل مهنة في النور بلدي معترفة بيه والرقص مرسوم على جدران معابد قدمائنا المصريين".

وأكدت أنها لم تفعل أي شيء خطأ منذ التحاقها بهذا المجال، قائلة: "لو عملت حاجة غلط أقول لربنا اغفر لي وسامحني، لكن أنا معملتش حاجة غلط، عملت حاجة العالم كله بيحبها ويقدرها إلا هنا وأقول لكل المنتقدين لمسيرتي لو كلنا قعدنا وسمعنا كلام الناس مش هنعرف نشتغل".