بعد تعافيها.. ميس حمدان تحكي تجربتها مع كورونا: "أنا اللي استهترت"
روت الفنانة الأردنية ميس حمدان، تجربتها مع فيروس كورونا، التي شفيت منه بعد الإصابة.
ونشرت ميس، فيديو عبر حسابها الشخصي بموقع تبادل الصور الفيديوهات الشهير "انستجرام" حكت فيه تجربتها قائلة:"عايزة اقول انا الحمدلله مبسوطة جدا اني شفيت من كورونا وهي طولت معايا شوية أكتر من المعتاد، كل الناس لما عرفت قالولي جاتلك وانتي في الجونة ولا لما رجعتي، مش عارفة الناس بتربط الموضوع ده بالجونة ليه".
وتابعت:"انا روحت الجونة بكامل قوايا العقلية والجسدية وهما حاولوا يقدموا الوسائل الاحتياطية، بس انا استهترت لكن الناس كتر خيرها عملوا اللي عليهم ، ليه بنعلق الموضوع على شماعة الجونة؟ أنا مقدرش أظلم المهرجان".
وأضافت:"تجربة كانت بشكر ربنا انا انا نوعا ما رياضية وغير مدخنة وده ساعدني، انا أعراض كان صداع فظيع وده حصلي وانا في الجونة، ونزلت مصر حسيت ان جسمي واجعني ومتكسر، ودماغي تقيلة ودرجة حرارتي بدأت تزيد، وفقدت حاسة الشم والتذوق لمدة يومين، انا لغاية دلوقتي عندي صداع وعايزة اشكر كل الناس اللي سألت عليا وحسيت ان في ناس بتحبني وخايفة عليا
على صعيد آخر طرحت المطربة ميس حمدان، أحدث أغنياتها باللهجة الخليجية، تحت عنوان "صح صح"، عبر قناة "فري ميوزك" لماكلها المنتج نصر محروس بموقع الفيديوهات العالمي "يوتيوب".
أغنية "اصحى صح صح يا غبى" من كلمات أسامة السليمي، وألحان محمد البدر، وتوزيع أحمد العسال.
