فنان يحكي موقفًا مهينا مع عادل إمام: "صدمني وقالي شوف حالك بعيد عني"

روى الفنان المصري رضا حامد، موقفًا أغضبه من النجم الكبير عادل إمام، وذلك بعدما تعاونا في فيلم "أمير الظلام".

ووجه إعلامي مصري للفنان سؤالًا:"من تجاهل موهبتك وظلمك"، فرد قائلًا:"كنت بشتغل مع استاذ عاد امام وهو هرم كبير في الفن ودايما حريص على نفسه وعلى فنه، ولما كنت بشتغل معاه في المسرح حققت نجاح كبير".

وأضاف:"فيه حد من المقربين له كلمني وقالي إن الزعيم مش هيشغلني معاه تاني بعد أمير الظلام، قولتله إنت كذاب".

وتابع:"بعدها روحت لأستاذ عادل المسرح وقابلته وقولتله يشغلني معاه في فيلمه الجديد، رفض وقالي أنا قدمتك خلاص في الفيلم روح اشتغل بعيد عني.. الكلمة صدمتني، كلمة غريبة جدا، وفعلا بدأت اشتغلت بعيد عنه".

وأكمل حديثه:"كسرت الدنيا على المسرح، لدرجة إن الله يرحمه سعيد عبدالغني كان دايما بيشتغل معايا على المسرح والناس كانت ميتة من الضحك زعقلي وقالي عادل واقف في الكواليس، خلص بقي أنت هتترفد وأنا هاخد 15 يوم جزا بس مهمنيش أشتغلت وقعدت أضحك الجمهور وفي الآخر حصل خلاف من الإدارة وسيبت المسرحية".

"واختتم الفنان حديثه:"أستاذ عادل هو اللي جابني المسرحية، ومهما حصل هو عادل إمام الشامخ، الهرم الفني الكبير بس طبعا أنا جوايا منه زعل".