بعد الهجوم والتنمر عليه بسبب ابنته.. رد ناري من أحمد زاهر
تعرض الفنان المصري أحمد زاهر، للتنمر من قبل بعض الأشخاص على مواقع التواصل الاجتماعي بسبب صورته مع ابنته "ليلى" أثناء تواجدهما في حمام السباحة.
وقال "زاهر" في تصريحات تليفزيونية:"ليه إتغيرنا وليه بقينا وحشين كده ؟ ليه بنحاول نجرح في الناس بالشكل ده، وليه بنجرح في أطفال وشباب صغيرين ليه؟".
وأضاف "زاهر":"لو مش عاجباك الصورة سيبها يا اخي وعدي عليها ده حسابي الشخصي وانا حر فيه، أنا صورت الصورة وانا حاضن بنتي ومش باين فيها إلا دراعها ومداري كل حاجة، ومستحيل أطلع صورة بنتي بالمايوه، دا فين ناس بتقولي عيب تحضن بنتك".
وتابع حديثه قائلًا:"دي بنتي حتى مني أحضنها زي ما انا عاوز إحنا عيلة محترمين في لبسنا وشكلنا، وبنحافظ على كل حاجة وده أسلوب حياتنا، الصورة دي من فترة والشتايم عمالة تزيد على نفس الصورة وبيشتموني بأفظع الشتايم المهينة اللي مينفعش تتقال على الهواء، أنا بتصور مع بنتي مش واحدة من الشارع".
واختتم:"أنا عن نفسي لما حد بيشتمني بعمل ديليت وبلوك لكن بناتي لا ده حاجة وجعتني ووجعت بناتي وصحباتهم إتصلوا بيهم، وهقدم بلاغ في مباحث الانترنت ضد أي حد يشتم بناتي مش هسكت زي شريف منير".
