بعد تصريحاته عن "المشاهد الساخنة".. نجوم الفن في مصر يدافعون عن يوسف الشريف
دافع عدد كبيرم من نجوم الفن في مصر عن النجم يوسف الشريف، بعد تصريحاته التي أثارت الجدل حول رفضه تقديم المشاهد الساخنة ووضع قيودًا على أعماله.
ويرصد "بتشوف" عددا من النجوم الذين دعموا يوسف الشريف بعد الهجوم عليه..
كريم فهمي
نشر الفنان كريم فهمي، صورة للفنان يوسف الشريف، وعلق عليها عبر حسابه الشخصي على "انستجرام"، قائلًا:" الراجل ده انا بحبه و بحترمه في العموم مخلص و مجتهد و حر في رأيه و يحترم".
آيتن عامر
دافعت الفنانة آيتن عامر عن يوسف الشريف، وكتبت تغريدة عبر حسابها الشخصي بموقع التدوينات القصيرة "تويتر":"بصراحة متضايقتش خالص من انترفيو #يوسف_الشريف و بصراحة مش فاهمة الدوشة دى كلها ليه انت حر ما لم تضر . بس كدة ، و معتقدتش انه ضر حد بمعتقداته او قناعاته شابوة يا عّم".
محمد أنور
علق نجم مسرح مصر الفنان محمد أنور، من خلال حسابه الشخصي على "انستجرام"، قائلًا:"ايه كل الهري والكلام الفاضي وقله الادب اللي حصلت عشان الراجل ده قال انه عنده مبدأ معين هو انه ضد المشاهد الساخنه او الاحضان والبوس والكلام ده لانه ببساطه بيخاف ربنا ومش عاوز يغضبه وهو شغال بالمبدأ بقاله اكتر من عشر سنين وناجح بيه وربنا كارمه من وسع كمان وانه هو مش ضد اللي بيعمل عكس كده ولا شايف نفسه اكتر احتراما من حد".
وأضاف:"فجأه كل الناس شايفاه رجعي ومتخلف ومش فنان وناس قالو ده اخوان وناس قالت طب روح حجب مراتك الاول وبعدين اتكلم وناس طلعتله مشاهد من اعمال قديمه هو بيحضن فيها وقالو ايام ماكان بيحب التلامس وكميه قله ادب في موضوع الراجل طرحه بكل احترام وقال انه فيه ممثليين كتير زيه اصلا مش بيحبو يعملو ده او ندمو اصلا علي اعمال هما قدموها في البدايه وبعدين شافو انه ماينفعش انه يعمل كده تاني وعلي فكره بقي هو صح والله العظيم وانا نفسي اللي لسه ببدأ عملت حاجات وندمت اني عملتها ونفسي ربنا يسامحني عليها افتكر انك لما بتموت وانت سايب صدقه جاريه بتنفعك في قبرك وتزود حسناتك ..ممكن كمان تعمل عمل يعتبر ذنب جاري وبعد ماتموت يفضل يزود سيئاتك".
ناهد السباعي
نشرت الفنانة ناهد السباعي، صورة للفنان يوسف الشريف مع زوجته والإعلامي رامي رضوان، وعلقت عليها عبر صفحتها الشخصي بموقع التواصل الاجتماعي "فيسبوك":"هو ليه الناس بتطالب بالحرية الجنسيه للشواذ وتنتقد راجل رافض المشاهد الساخنة لاسبابه الخاصهدي حريه شخصيه ودي حريه شخصيه مش عجبك متتفرجش عليه ومتشتغلش معاه وفي الاخر".
أمير طعيمة
دعم الشاعر الغنائي والسيناريست أمير طعيمة الفنان يوسف الشريف حول تصريحاته الأخيرة، وكتب عبر حسابه الشخصي على "تويتر":" بتوع حرية الرأي و اللي دائما بيدافعوا عّن كل اللي يغضب ربنا، بيهاجموا الراجل اللي عايز يرضي ربنا في شغله و بيرفض تقديم ما يخدش الحياء في اعماله. و اصلا ما فرضش رأيه علي الاخرين، هو فقط مختار لنفسه طريق مريحه و ناجح فيه. يا جدعان النفس اللي بيخرج منك ممكن ما يرجعلكش، ما تبقوش كده".
