زينة: نادمة على مشاركتي في برنامج "خلي بالك من فيفي".. تعرف على السبب

علقت الفنانة المصرية زينة، على حلقتها التي حلت فيها ضيفة على برنامج "خلي بالك من فيفي"، للفنانة فيفي عبده، وتعرضت فيها لإصابة في ساقها.

وعبرت زينة، عن ندمها لمشاركتها في البرنامج، وقالت في مداخلة هاتفية لبرنامج "سراي":"أنا تعرضت للإصابة ورجلي اتفتحت وأنا الصراحة مش حابة الموضوع ولا الحلقة خالص، ومش حابة أتكلم على الموضوع ده تحديدا عشان هما شالوا حاجات وأنا اتفهمت غلط في حاجات".

وأضافت:"للأمانة أنا بحب الشعب المغربي جدا وبموت فيهم وهي الممثلة اللي كانت معاها مغربية بتمثل دور وكانت بتتكلم بسرعة فطبيعي إني مفهمهاش زي لو حد اتكلم كويتي بسرعة أنا مش هفهم برده".

وتابعت حديثها قائلة:"لكن احنا لهجتنا كمصريين سهلة للكل عشان الوطن العربي إتربى على الأفلام والمسلسلات المصرية والحقيقة أنا رحت الحلقة دي مخصوص عشان قالوا ليا إن ام بي سي بتفتح في المغرب وأنا بحب الشعب المغربي وهما كمان من أكتر الشعوب اللي بتحبني".

 اختتمت:"المهم أنا رحت عشان خاطر الشعب المغربي وفي الآخر اتهاجمت عشان أنا مش بفهم لهجتهم وأنا بحترمهم ومقدرة غيرتهم على بلدهم".

يُعرض برنامج "خلي بالك من فيفي" على قناة "MBC مصر" الساعة 11:30 مساءً خلال شهر رمضان، وتُعاد الحلقة الساعةً الثالثة والنصف بعد منتصف الليل.