فريق عمل مسلسل "ونحب تاني ليه" ينتهون من التصوير

انتهى فريق عمل مسلسل "ونحب تاني ليه"، بطولة الفنانة المصرية ياسمين عبد العزيز، من تصوير مشاهدهم، والذي يعرض ضمن دراما رمضان الحالي.

وأعلن الفنان كريم فهمي، انتهاء تصوير العمل من خلال نشر صورة البوستر الدعائي، وعلق عليه عبر حسابه الشخصي علة "انستجرام"، قائلًا:"حقيقي انا بحب المسلسل ده و مع اخر يوم احب اشكر كل حد اشتغلت معاه من جميع الاقسام و كل الممثلين علي رأسهم ياسمين عبد العزيز اختي و صديقتي الجدعة اللي مهما اتكلمت عليها مش هوفيها حقها والاستاذ شريف منير اللي كان ليا الشرف اني اقف قدامه وهو قيمه كبيره جدا و كل كل الممثلين بجد انا حبيتهم جدا جدا".

وأضاف:"و شكرا عمرو محمود ياسين صاحبي المؤلف الشاطر اوي اللي بيحب شغله وسبب اساسي في نجاح العمل والمخرج طبعا مصطفي فكري الشاطر اللي مريحنا نفسيا واحنا قدام الكاميرا ومدير التصوير العالمي اخويا زيتون تسلم ايدك ومهندس الديكور تامر والمونتير الجامد اوي عمرو عاصم وطبعا دنيا عبد المعبود الاستايلست الجامده اوي ومهندس الصوت محمد وطبعا طبعا سينيرجي شركة الانتاج ، بجد بحب الكرو ده جدا جدا ، الكلام ده من قلبي ، شكرا ليكو كلكوا".

مسلسل "ونحب تاني ليه"، بطولة ياسمين عبد العزيز وكريم فهمي وشريف منير وسمر مرسي وعلا رشدي، ومن تأليف عمرو محمود ياسين، ويتولى إخراجه مصطفى فكري، وإنتاج شركة سينرجي لمالكها تامر مرسي.