بعد زواجها من العوضي.. شقيق ياسمين عبد العزيز يعلق: "ربنا يفك سحرك"

علق الفنان المصري وائل عبد العزيز، على زواج شقيقته الفنانة ياسمين عبد العزيز من الفنان أحمد العوضي، ولكن بطريقة غير مباشرة.

وكتب وائل، عبر صفحته الشخصية بموقع التواصل الاجتماعي "فيسبوك":"ربنا يفك سحرك ويبعد عنك أي شر ويهديكي وترجعي لبيت ربنا اللي اتعودتي تزوريه كل سنة ويوفقك لحياه جديدة سعيدة مع حد يستاهلك".

وهاجم وائل عبدالعزيز، الفترة الماضية شقيقته بسبب علاقتها بأحمد العوضي، خاصة أنه يصغرها في السن، ووجه رسالة عبر صفحته على "فيسبوك" يهاجم فيها ارتباطها برجل يصغر عنها في العمر وكتب عبر صفحته " بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتاذيت فيها إزاى وقضيته الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".

وأضاف:"وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟.